2020KO EPAIMAHAIA

Blanca Zaragüeta 

Gidoi eta Zuzendaritza Zinematografikoan gradu-ondoko; film luzeen ekoizpenean lan egin du. Azken hamarkadan, ikastetxeetan eta kolektiboekin film laburrak egitera bideratu du lana. Zinemaldi honen fundatzaile eta zuzendari da.
Ana Escribano

Ana Escribano

Andoaingo Zine eta Bideo eskolan ikasi zuen, eta 1989an hasi zen muntaketan lanean, Juan Ignacio San Mateo eta Julia Juanizekin batera, hainbat film luzetan. Ordutik, ekoizpen askotan lan egin du eta kolaboratu muntatzaile gisa. 1997an, ekoizpen-departamentuan hasi zen lanean, eta honako pelikula hauetan parte hartu du: Ibarretxe anaien ¡Sabotaje! filmean, Helena Tabernaren Yoyes lanean eta John Malkovich-en The dancer upstairs pelikulan. Egun, besteak beste, Zinema ikasgelan programako kolaboratzaile da.

Jon Santamaría

Ikusentzunezko Komunikazioa “UPV/EHU” (2014-2018). SICUE “Universitat Rovira i Virgili”n (2017-2018) eta Masterra Zine Muntaian “Escuela Superior de Cine y Audiovisuales de Catalunya” (ESCAC) (2018-2019). Ikusentzunaranganako grina mantenduz, amateurrak diren festibaletan saritutako laburmetraien sortzailea. Argazkilaritza edizio klaseak eman ditu ESCACen eta “La Hormiga Fest”en (Gizarte eta Komunikazio Zientzien Fakultatea UPV/EHU). Tarragonako “REC” festibalaren Epaimahai Gaztea (2017) eta PesMes sariaren irabazlea mikroenpresa mailan (2017). Gaur egun bideo produkzioa du lanbide, erakunde ezberdinekin lan egiten, Estudio Mariscal eta IKERTZE besteen artean.

Aia Kruse

TAI-Rey Juan Carlos Unibertsitatean graduatu zen, Interpretazio eta Arte Eszenikoetan. Aktore gisa, HandiaZorion Perfektua edo eta Nora luzemetrailetan lan egin du. Laburmetraietan, Ane eta Las Vegas, eta telesailetan berriz, La Línea Invisible eta Velvet. Momentuan beste telesail bat hari da filmatzen.
Theatre for Roots elkartea sortu eta zuzendu du urtetan, eta harekin La Patronita idatzi eta zuzendu zuen, Madrilen estrenatu zen antzezlan soziala. Metamorphosis dantza konpainiari buruzko Lux Bona dokumentala ere zuzendu du, eta azken lana EZIN laburmetraia orain bukatu berri du.

 

Josean Gómez

Donostian jaio zen 1954ko martxoaren 28an. Filosofia eta Letrak ikasketak egin zituen Salamancako Unibertsitatean. Ekoizpen zinematografikoan zuzendari. 1981 eta 1986 urteak bitartean, hainbat euskal ekoiztetxerekin lan egin zuen: Frontera Films, Aiete Films, Irati Filmak, Gaurko Filmak, Bizkaia Films eta Igeldo Komunikazioa. 1986 eta 2018 urteak bitartean, Madrilen lan egin zuen honako hauekin: Goya Films, Ión Films, Ariane Films, Ganesh Films, Ofelia Films, Arenal PC, BocaBoca PC, Cristal PC, Lola Films, eta, batik bat, Tornasol Films ekoizpen-enpresarekin, bertako Ekoizpen Zuzendaria izan baitzen 23 urtez.

Goya sarietarako izendatu zuten, bitan, Ekoizpen Zuzendari onenaren atalean: Boca a Boca lanagatik, 1994an, eta El misterio Galíndez filmagatik, 2002an.